ტორნადო _ ჭარკინტL-ბორია
უჯინექო _ ჭარკინტიში ჯაშქვიდუ
გაკიროკუ ხუფუშY პირამიდასუ,
იციორუ: `ბირგულეფი დაშქვითუ!~
სქუა ხეშა ველასხუპე დიდასუ.
გემწუჭოფუ ნორტყეფი დო ქვიშონა,
დუშაყარუ ანდანერი ჩხეშეფი,
ფიფქრენქ: `წიე, გური ვედიშიშონა~,
სქიბუთ იქუ Qოროფალა ჯვეშეფი.
კიდირეფი გოზინდე დო ფართხალანს,
კისერეფი მართუს გეგნუტახირუ,
ითამ ჩუანს ღუმუ ენოტყარტყალანს,
არძა ცირას შურკუნტალაქ ვახირუ.
მობულეკე ბერიოზა რუსიში,
მოქოსელე ბუხარაში ჩადრეფი,
მირაგადუ: `უჯგუშისL მუს იში~,
რე ტყვაცინი დო ჟინცაში ჭკადრეფი.
უჩხიჩხანა გოდირგილეფს ბორკეფი,
მეზელი რე უფის თუმა დო ლაQვა,
ტორნადოსL მუსიროტუ ორკეფი,
მირაგადუ: `მურიცხეფშა მოლავა~.
ფურცელნა ჭანდარი დო ლანჯეფი,
ნანა ფურცელს შაყარანსL ლერსიში,
ჩონგურიშა ქოგურაფუ მანჯეფი,
თოლი უღუ თოფურეფი ვერსიში.
იფიორუ ზორტეფი დო ყანთარი,
იხიროტუ კურთეფი დო კურთალა,
ამარY, ჩქიმი ძვეძვე ჟინი ანთარი,
ამარY, ჩქიმი დღაში ეკობურთალა.
მოხორცქუნა ჩე რაშეფი ჭკადილი
საფარსაკო ნაცხაცხელი-ვალითუ,
ამარY, ჩქიმი თხუმუეფი ჭყვადილი,
ამარY, ჩქიმი პუხუეფი _ ჭვალითუ.
ირანწკუნა ცირეფიში შხვართეფი,
გოლოფეფი დოუბაQუ ჭოროფას,
ჰავას მეQუნს კიდირს მიკოჟღარტეფი,
ქეკოტახუ კინჩხი ეკოწოროფას.
ხოლო ოში ურჩქინჯი დო ფორილი,
ხოლო ოში ნაგურეფი მარცხასუ,
სქიბუთი რე დღა დო სერი ნკორილი,
დაჩხირY გარზუ წკირონტილი ნარცხასუ.
მოკუმინუნს ფირფიტაშე იშტარი,
მოქურქულანს დისკოეფშე ინანა,
ხეშა უკებ სკუბოჭილი ჭვიშტარი
დო ისიდას ექი-აქო შინანა.
ბაღანეფი გეწი-გეწი მოცენა,
მოჭითანო ჩუპა აფართხალუნა,
კირდეეფი ხენა დო ეკმოცენა,
მინდორეფი ფართას მიწონტყალუნა.
ჟირY ცირა დო ართი კოკათ ქოპუნა,
ხვარჩალანა დო რე ონწეშY კვანწაფი,
ბორიეფი მაფალაკათ ბჭოფუნა,
მესიროტე სისმარეფსL კარწაფი.
მიში ლერსი, მიში ღვინიშY ტკაბუა,
ჟირი სქიბუ უშულადო ირთანსუ,
კანკალეშა თუთუნს ქუმუპაპუა _
გესერელი მურიცხეფი ქვირთასუ.
იკვარკვანტუ ჩქიმი ჭარკინტL-ბორია,
ფურინი დო დუდიშY მორსიოლაფა,
`ვეხუავა, სქანობუა გორია~,
გეფშუ ცალი სანდალიში მოლაფა.
უკულY ართათ კუჩხი ქეთმაკიჩუნა _
ჩქინი ანი... ჩქინი ჩელა ტორონჯი...
ჟირხოლოსL შურხირილო მიჩქუნა
ჩხანაია მუშმათაგა ოროს ფჩვით.
ჰო, ეკირთი, მორიალეშY ჯღვალიკი,
მუთუნითL შურშე ვემკიზილოტა,
გიჭყოლიდე ანთასნერი ნალიკვი,
გიჭყოლიდე ბოშკოჩალა კილოთა.
მუდგარენი საფარსაკო მოკო დო
მუდგარენი საფარსაკო მიძახუ,
ირო ოკო დოფსქიდეო ძოკოთო?
ჰა, ტორნადოქ მარქვალეფი მიწახუ.
ჰა, კიდალა, აჰა, ნინძგი კვათირი,
ამარ-ამარY, ჭარკინტისუ ვენტენი,
ჟიშე მუ რე ნიტე დოსქილადირი,
საწმოხუნო მუჭო ვემიფენდენი?!
მუჭო ოკო ვეშმალინას მართუშე,
მუჭო ოკო ვაგობჭვარე მორსეფი,
ჯალეფიში წვანჯი გეგნოქართუშე,
უმოსეფი მაფუ გინამორსები:
ომბოლობა, ვაგონიში ნთირუა,
შქირენა დო გიმნათირა ბარგეფი,
ასე უცფას ღვინი ვემინქირუა,
ვარა რQუნდას მახონალი ჯარგეფი!
დიაჩქიმი ჩილამურენს, მოჯგირეფქ,
არძაქ ართო ქურთინუეს ოფარე,
უკლაშეფსL გოურჩქინდუ ოჭკირექ,
სერეფი რე ხეთL უმწუჭოფარე.
სო რე ხინკი, სო რე ჯიკი ბუხარშო,
ფურცელეფი ვემთიპალუ ჩეჩმასუ,
სო რე თირი ოხარალი თე ხარშო,
ქოგუ შარა რაშიშY გილნაქენჯასუ.
ვენირზინე ნარდიშე დო ფურთიშე,
დიდი ამბე ონტკეფითL დონთხაფა,
ვარე ელხე, მარა ქუმუბორდიშე
დო თუთაქL დიჭყუ ტყაშე გონთხაფა.
ვახუტოლუქ არძა ღობერY-ღანდასუ,
ვახუტოლუქ არზა კარი ეკილერს,
ნიტე ჰავა კუმათ მიდამღანდასუ,
ფირქეფქ ქYანა ჟინ-თუდონი ეკილეს.
იკვარკვანტუ ჩქიმი ჭარკინტL-ბორია,
`აკა, სოთინ ყურდის დიბყურშათია,
ვარდა აშო ცხენიშY მუკინ ტორია,
ჩქინობრათL ჩქინი გიფხუშათია~.
ვარე რჩქილა, დუდიშY ეთოQუნაფა,
ვარე ხიტა, გორსიმნაფე ღანდალა,
დოწირადე ჭვემეფიშე მუნაფა,
დოშულადე წყარი გილნაღვანდალა.
მიკობწილე მოკო ცაში მუQია,
შაყარელი ოში სინთეშY მელეშე,
მარქვალანსუ ვარაQია-დუQია,
`ნიტე ართშა თუთაცალო გელეფშე~.
თენერეფსL ბზნახენქL დო მიჭვირთუ
ბორჯი ხანგა _ ულაგამე მასქური,
შური, მუჟამს ართო ეკომიჭირდუ,
ნიკიშY დუცუ წყურგილეფი მასქუნი.
კინY დუვართუქ მარგალური ნინასუ,
კინY დუვართუქ ლერსეფიში თარჩიას,
გურსუ აკა თინა მიკომკინანსუ,
მორთანი დო ჭიჭე-დიდიქ არჩიას.
მუ უჩქუნა შური შხვაფრო ველებე,
ვეგისოფე მარჭვალი დო წკვერემი,
მიქ რე ზოჯუ: `ღურელY ვეგითელებე?!~
ვარა `ფართხილY თხირი ვენაკვერენი?!~
დოიძახე გისხუნ ჭარკინტL-ბორია,
გორლუაფუ, მუჭოთ სქიბუ კიონტა,
`ეჰე, წიე, ლაგამY დაკუნტორია,
ვარა გეთუ მუმულქ ქოგიQიონდა~
გასურებე არძანერი კვარკვანტი,
ოთხი რაში მებუ Qათე კვადრიგას,
თქვანო დიჩვით საფულეშო წარკანტი,
მა შხვანერი ბორიეფქუ მადირგას.
თაში Qოფე ჭარილი დო ღაზილი,
კემიშე რე ჩქიმი ჭარკინტL-ბორია,
`გიქუნია ცა მურიცხით თხვასილი
დო უხანე ბორჯის მინანკორია~.
გოსოფერე არძა ხუნჯი ღანჯამი,
დოპუტორე წკუმონტი დო ბორდიში,
ოკონანდა _ შური ფართას განჯანი _
მეცუმელე არძა ერთი-მორთიში.
2007 წ.
MONUMENTUM
ძეგლი ქიგიბდგი, ვაღირსებუ დიორდე მითინს
სუმი გერგეზი დო ვერეხი პოეტიშY მეტის,
ა _ მინეფიშით ბთვინებულე რინაშე ძგვიტინს,
ა _ მინეფიშით მებჩარდახენქ QუდეშY კრამეტის.
ვამანდღულენა ჩქი პუშკინშო სარკო კაშეი,
ვამანდღულენა ფირდოუსშო ჩხე ღაზალეფი,
ტყას ჭიჭე-დიდი მუშობურათL არძა აშეQი,
მიQორა ვითი დო უფალშე ჟი ნაზალები.
ჟიროში წანა ოსაჭირუ ჩქიმი გაგებას,
მაჟრა ჟიროში _ ეფუთცალო დომგურუანი,
ბრელY ეცადებუ ჩქიმL ხუჯიშა ელამანგებას,
არძა დიშირუ _ უროქ ოჭიშY გომფურუანი.
მა სქიბუ ვორექ ენულირი ყამაშY ორჩხეშა,
მა გივართუქუ ჩერიათL ჩქიმი ქურეფსუ,
ბრელი კიდირი, ბრელი ხურხი, ანდაQა ჩხეშა
დო იფთხინუა კოჩიშობაშY უწმინდურეფსუ.
მა ნიბერუშე მობზგილატექ არწორო ჩელა,
მა ბედუინეფს ეწოპუნდი უტან-ულანდე,
მა მომქიორუ ორთუმელშა ოროეფY ჭველაქ,
ითამდა დიხას გვართაცალო ბგურთანულანდე.
ათე სქვისქვირი გოქუნელე სინთეშY მაქურქათ,
მუს რე გერგებუ შქირენულქუ ვითშა უხონე,
ინა კისერსL გორკიროკუ, მუჭოთ მაყურყა,
ინა ჭუმენშო ეწირნე დო ისაწმუხონე.
თაში ჩალათი გილებარჯდL ართი ბო ძიუ,
ეკოქერქილი ნაღართია მისხუნ სმოკინგშა,
ვირწყექ, კვერცხიშე ემარჩქინე აკუმქ გორწიუ,
ვარე ჩოლამა სქიდაშა და მეკინ-მოკინშა.
თიცალი ლანდღვა მობურსანსL ეთი მარქვალშე,
ზისხირი გოQუნს ოსარეთ დო თასი ყანთარო,
ეთმოფალუნსL დინოზავრი QანჭიშY ფარფალშე,
გინმიკეთებუ მაბჟალია ჭყონL დო ჭანდარო.
მარა მა მუთუნს ვავათირექ სინთეს გეხუნელL,
სინთეთL ზიმილი დო სინთეთL ეხაბანელი,
ვარჩქილექ დიხას მაღურუში შარას გეQუნელს,
აკარდამასL ჭიფე ჭLთL მეხართანელი.
ქუმულა შხვეფი, შხვა ბორჯიშე გოფაჩილეფი
დო შილაცალო მარსხებელო ქომბერეყანა,
თექ იQუაფუ ფუცქინი დო კინორჩქილეფი
დო ეკმათხოზნა, მიდგათ ასე ქომებრეხანა.
2016 წ.
ანი ფეტელავას
ვითოსუმ რე მარტიში, მოკო სუმი ქირსე დას,
მოკო მორი მემენტო, მოკო მონკა ქურეფი,
მოკო არძა ლახალა რობუს ქენოქვირსედას,
გალე გეგმურღვაფუნა ჭანდარეფსL გურეფი.
ა მირულე ანი დო პალტოს ეკახაბარკუ,
პალტო ართო ჭითა რე, ინა ელიშY ტოგა რე,
ეფალუნა ფერდიშე Qვანიეფი მაბარგუ
დო ღალიში აკანო ქანცალია ბოგა რე.
ელაპუნქუ ფაფალას, მებგორუნქუ ჭანდარსუ,
მებგორუნქუ თუმასუ, ცაშა სირმათ ნტებულსუ,
მებგორუქუ ნოქურის დო ანიში ცანდარსუ,
მებგორუნქუ ქვიშას ძაბრის გიმოთებულსუ.
შურიში ეშალაფასუ ჟირშა მურქუ სისმარონს,
ირო კუნთხუს კინოხექ, ოხვიჩინა მერეთო,
მინორთელი შარეფი მიხაზრენა ლისმარონს _
ნალეფითი ჭკადილს პელაგონი-ქერეთო.
ა, მეპუნქუ ჭანდარეფს რაწკას დორაბადელებს,
ა, ქობძირუნქ სახელსუ ხამუთ ეშნამანდარას,
ინირსუ დო იმორსუ მუდგა ასე გათელენს,
მებკორობუნქ შარეფსუ კუჩხით გილნაცანდარას.
`ლეხის მიოგიაო, სი მართალო აპაჩი~,
გინოხიკილ დუდისL კინე ეწომჭოფუა,
სო რე ცაშა ფურინი, ვარა ფართო ღაბაჩი,
ნიტე შურო ვავორდე, ნიტე ღურუშY ჭოფუა!
ვემიპალუ ჭანდარსუ სქან სახელი გაშინუთ,
ამარ-ამარ გეშალას, მუჭოთ კაკლარქ ქურიშე,
ჭანდარს კანი მუთირუ, ჭანდარს ტანი აფშინუ,
ვეშელასექ გოლვაფრო ხვალე ათე შურიშე.
ბაბაჩია ვოვჯგუნო აპაჩიში გედვალას,
გიციგანი გოლუა, ხე ეისვი გირძასუ,
სქან უკულ რე დობჭყაფუ რინშა დუდიშY მედვალა,
ძელY დო ძვალი ჟირხოლო უჩა დიხაქ ძირძასუ.
ეშY ჩქიმობრა ფურინი ხვალე სუმსუ ღირსებუ,
ვამაზაკვე აქ ჩქიმდა სუმოში დო ანთასის,
არძა ქეკობსქილადუ, მიდგა, მუდგა ბნირზებუ,
არძას დუდი ხარიშა შიშით მითუჩანდასი.
ა, იჭყაფუ ხურთქინი, ჩქიმი ცირა წყვირთალი,
არძა განშე გეგნობდვი, თოკი, ხამუ, ქერძაფი,
გეგნომღალუ გოღანი, გეგნომღალუ წირ დალი,
შური მაპელაგონუ მობბუნაფუ ფერY ძაფი.
ეწმაზირუ ირფელი ბუძოლით დო რაწკასუ,
ეწმაძირუ ირფელი ართიანშე გუშულათ,
მინ ოშქაშეს ბდურუმა, მინი გვალო ძგა-ძგასუ,
ქირსეთუთა ეწმაზად პირკალი დო უშულად.
ეწმაძირე ნაცალა ბორიათუ ნაჩხეშა,
მა იშენით ბჭარუნქ დო უხაკუა ერიკას,
ხასლას მინწკარ ყამები გურეფით ნაორჩხეშა,
დაჩხირი დო Qინიში მოხიოლუ შერიგა.
გვიგვილეფი ჯალეფსL ბუძგურიათ გაზორთუ,
ლანდის ლანდი უდინL დო ცასL მიასილოგუ,
მუმულია ნოQელშე საწმოხუნო Qას ორთუ
დო სისმარი ყებურეფს ჰამას მიაზილოკუ.
მა რე ხვალე ვაბლურსუ, ურთა კვარჩხი მორძგვიშე
ოჭმარე დო ონჯუას, უჩასL დო ჩელასუ,
ცა მურიცხით ცერცილი მუსხი გოკონ დოჭკვიშე,
ველანჭაფუ მუთუნით შური ქუჩუჩელასუ.
ვემიპალუქ ჭანდარსუ, ვემიპალუქ შარეფსუ,
ვემიპალუქ ორკოლეფს, ვემიპალუქ ჩერიას,
ღანდეფიშე კაკლარი გითმირზანსL ჩქვალეფსუ
დო ირფელიშY მაფორუ თუმა ცენს ქვეჩერია.
ანი ცაში ღორონთი, ანი ცაში დეფალი,
ანი ცაში გონჯამა, ანი ცაში კილუა,
ველისპეტის თხოზინით მენდიცალი გეფალი,
ანი კარშა მულირი მუმა ვეთაკილუა.
მერეთეფი მასიმე, მერეთეფი იმორსუ,
ეწმაძირუ მურუჟო ჭითა ნოხეფს ორჩანა,
ირიფელი ქავოტე ცუხი რინაშY შიმორსუ,
ხვალე ართი ბაბაგე აბსქილადუ კოჩანა.
ხო-ხო მუსხი შორი რე ფაფალაშე რობუ დო,
ხო-ხო მუსხი მონკა რე წკონდეფიშე წკვარამი,
ხო-ხო მუსხი მუთუნი შურსუ ქუათ მობუ დო,
ხო-ხო მუჭო ცანტუნსუ ხამუ უჩა ტარამი.
გუვორექL ტარკალე მუჭოთ დიდაშY ნარჩქინა,
გუვორექ დო მუთუნშა შუროთ ვამოონჯღორუ,
გუვორექ დო უჯინექ ეფერY მუს რე მაჩინა,
გუვორექ დო ჟინცარე უკდებაშა მანჯღორუ.
2016 წ.
