დადმარიაშ ამნახანტი
მუორეფი გალუაფL
ურულაფუშ ორთუმელსL,
გარულეფი გაროკანს
ჩე ნაკარუ გორუმელსL.
ჸინიშანსუ კილისაშL
ინოხარცქილ ორთვალემს,
დადმარია უტიბანს
ქირსე მარდუშ ჩე კუჩხემმს.
გური თიშით იგიგანს,
ნაძიგირა, ნაჯვარლენ,
კურკანტელათ მიკივალ
ნაზისხირა ჭურჭულეLფ.
ათაბოგი კირდე _ ზღვას
ათაბოგის ქიგვოღობა
კირდე-ჩქონიშ მოფერდას,
მითინქ ოჭიშ ქომრთინუდა,
არძა ჯგირო
ჸოფედას.
აგოთანას ქიგვოჯინექ
დურუმ-დუბე-დობერას,
გურშა გეგნიბნიარუა,
ოკონ ბჟაში ქოფე რდას,
ჩხომეფს ქიმიბდიარუა,
ორქოს მუთას ოფერდას.
სერით _ ზღვასუ ქიმვარჩქილექ,
ნიარეფიშ მოფენდასL.
მუთ მესეფის ქუჭყებუნი,
ხვალე ჩქიმო
ჸოფედასL.
გურიშ ჯერღვის ქუმვოჭაჭა
ჩილამურ დო მონგერას.
ნიშის დომწყუნქ, დღას ვებზალა
მოსოფელიშ მოლებას.
ჸინიშ ვარდი
ჸინიშ ვარდის გეუფალუ
ლორეშ ოლაჭვათირესL,
ჸვაშე ფერი გეგნურაჸუ,
აბრალენა ძვაბრალესL.
ფურცელ აშო გემთუღალუ,
ოშხანს ქოგუ ვარჩხილერსL,
კიდა პიტათ გაკუღალუ,
გურს მემოგუ ქარჩხილერსL.
გვალო ტყურათ ათუჩოქუ
დიაჩქიმი ბარბალესL _
ჸინიშ ვარდი ურთუანსუ
ჩქიმი ჭარა _ ბარბალემსL.
აგოთანაშ ღიუ-ღაუ
ვარიუ იშ რაწკალემსL,
ვეშ ჩინთეფი მუს ოხვარ
იშ ნაჸვილა ლაწკარემსL.
გერანი დო მელანიში
დორაქელე ჩქიმი ნიში,
გურს მემოგუ ძვალიშ ლიში,
ნიტე გებძუ ვალი მიში _
კოჩიში დო ღორონთიში?
ნასოფერა-ფერთილიში,
ფიორ ვარე არქანიში,
შორიში დო აკანიში, _
თოკი გობძუ მაკარიში.
ჭყალა ფთხოზუ მესეფიში,
გამა რენო შებულიში,
ხამაფილი ლადირიში,
უფალუ დო ფალირიში?
მენანდებუ მელანიში
თირს დულანდღუ გერანიში,
მალასარსუ ირფელიში _
უფორუ დო ფორილიში.
კულანიშ სენდელუა
გურს მელანო ათმოხვილ
ლებირ აკოსერუა,
გოლოლირი კოჭობიშ
მაშქირატუ ნერუა.
მიკოციმილ ხიოლეფ
ართიანსუ გეეუნა,
აფუნიში სიზმარემს
ვაუჭარუ ეულა.
ტყაშ შურემსუ ქიმშართუმ
რშვინუა დო ქელუა,
დოდგიმირსუ მეუჯან
კერი _ მარე გეკულა,
მოსა-არქან ხირატილ,
ქარბორიემს მეეუნა,
ლეჭკანდერი აკოხილ
წყარემს პიტათ მეუღუნა,
მაფაჩხომი მიკმოხვილ,
მაჭყალს _ იშ ქენდერუა,
სიზმარემსუ მემოხირს
კულანიშ სენდელუა.
კარე ნირსის მენჩურუნს,
მოხოლებე ზღველუა,
გურს მელანო ათმოხვილ
ლებირ აკოსერუა.
შქაკვათური
გუმონწყილი რე ტაბაკი
დინახალენ დო გალენიშ ხვამაშო...
ტახილ სუალეფ მითუტყობ
ჯიმაშ ონწერალ ქოხიუჩაშა
ჩქიმ უჩაშ დას,
ჩე დარაია გაფიორ
შურეფიშ მატყურაფალო:
ქუმორთიო, დადა, ქუმორთიო?..
წკარწკანტანს, ღვარწკალანს ჭირქას
ბინეხიშ ჯერღვო გორთელ ხეთ.
წყურგილიშ ნირსი გარე
ნამკოლუშ ორკოლს,
ჩქინ ჭიჭე ჯიმაშ დუნადგუმა
ღვინიშ ნაჭარგას.
ჸურზენიშ კანთიენო?
ჭირქა ველუნსო?
ვარ ჯიმაშ შურ მიძიცანსო?
გეწირილი რე ჯვეშ დო ახალი.
მუქ მორჩქინ,
გეუკუმელუა რენო, გეთანაფაო...
გაბარბანჩ სანთელს
გალენ დო დინახალენ მონიეფი...
სოლე მიკობდოხოდა
კარგუმოლიშ ტაბაკის _
ჸუდეშარეფშეო?
გალენიშეფშეო?
სოლეთინ ვავონჭუქ
მა, შქაკვათას გოსქილადირი.
ზღვაურ კარეშ სანთელეფ
მუნაფა დო კამბეშეფს
დუნტყოლუნა დღვაბა,
წაქაშ რძღელი ჯოღორეფ
გუჯანუნა ქართას.
ათაბოგის გილევალ
თოლიყინტუ ბაჯგა,
მისარიში მაძირეს,
მუს მიკოხირს ძვაბრა.
გუსქანჩ კველა მარწვენეფს
კარეშ უჩა ჩაყვა,
ნადუღუში ჭვათირეფ,
ჭურჭულანა ქარდას.
სანთელ გერზუ ბაჭყაჭყემს
მურძგას ოფშანს ბახვა,
გურ ვაგაფუნ, მი რკითხენს,
ჭკისუთ ქიგიობახვა.
გენათუნსუ ოჩვეჩვეს
თუთა ჸვალი _ თანთა,
გითნატყობა მურიცხეფ
გილახენა სანთას.
ჯარგვალიაშ იმენდემს
მი გუტენსუ კვარჩხას,
დიაჩქიმშო ლაწკარელ
ლერსეფ მიხე კვახჩას.
ნირსიშ ფელუკეფი
ზღვაშ მორია, თუთაშ მორთა,
ართო აკოშაყარელი
ძინულენსუ რუმე წყარი,
ოკიდირეს მორინელი,
კიბოია გილეღვარღვუ,
ტყასუ მიშახვიარელი,
ნანწყვიშ არფის მიკოკირუქ,
თოლეფ გაფუ დონირსელი.
ულირ ბორჯემქ ქინოიტუ
ჩხოროფათუ დოხართელი
მორო ესუთ ვეკაწამა,
ვაგურქიე შურო ხენი,
დუდი მედვალირი გაფუ,
ზღვაში ლუბას დოკარელი,
შურიშ ვესუ მეჭირხინუნს
თოლეკირილ სქანი ცხენი.
ქვინსუ მურე გიწონებუ _
კოკიშ კოკი, ფერთიშ ფერთი,
ექ ნათუნსუნ, შხვა მუთა რე _
მოლასირი მურიცხეფი,
ელე ცაშა ქეიჯინი,
ქიგიშინი ორგიეფი,
ჯვეში ნიშიშ არფიშ გამა,
მოჩქუ ნირსიშ ფელუკეფი.
ჩელა გინი სამგარია
ეკენიაშ ათოხვიპა თუთა წყარემს შაყარანს,
მუნაფეფი ხოჯემს ქოგუ, ქუა-ჯიმუშ მალოტკარს.
წიფურეფი იჭკირჭკინნა, ხუმინუნსუ უჩა ღალ,
ჭარკანტიაქ გელალუ და, ჯგირობუას ვეზალანს.
აგვარაში მათხილარი, მასარს ხოპო გილერთანს,
სანთელ გილაქიმინელი თოლიშ რხვილშე გითმარზანს,
კარეს უჩა ქართა გარე, გვერში წოლას გაფუჟღანს,
ჭითა რასი გარულეფი ბორბონჩიას გაროკანს.
ვობი პიჯიგოჭყორელსუ ვალ _ კიბირი ურისანს,
მუში ბურდღა-ფრიმულემსუ გვალას გვერგვო გაკირანს,
ჭყეში ცასუ ელაჯინე, გინშო ხამუს ლასირანს,
მიქაუჩა, მუ უწუა სქან ჭყოლოფა ზისხირამს.
სქუროლეფი სქირაფილი
ჩქიმ გურიში დოძახინი
გეგონადა, ვამორთა,
გვალო შხვა რე გიჸორდუნი,
ანწ თიშენი გიჸორდას.
სქუროლეფი სქირაფილი,
ანკარია ჩხოროფა,
წანემს მიშადინაფილი
ფერერაჸილ ჸოროფა.
დაჩხირეფი დოფანილი
ვაბენებე შელორცას,
ჯვეში ნიში გოჯარილი
იშო ზღვაპის ქეკორდას _
მიდგარენშო _ ჯვარჯვალერი
კილანა დო ჭყენჭყონა,
ჩქინო _ რინა ნიარელი,
ართ მერქა დო ეკორქა.
ჩქიმ გურიში დოძახინი
გეგონადა, ვამორთა,
გვალო შხვა რე უუორდინი,
ანწ თიშენი გიიორდას.
ჩქიმი სქვამი ტურტურუა...
უჩა წყარიშ ღურღულუა,
მეტ მუთუნი ვამიწუა,
გილამზინდუ ტახილ სუა,
მონტუ ზისხირელი ჭუა.
ძვარა თუნთიშ ტორისუა,
მეშხანიში გვალისუა,
ზესქვიშ ჩილამურიჯგუა
მენდეფიში ფალისუა,
თესუ მიშადინაფილი
ჩქიმი სქვამი ტურტრუა...
გურს ალაბძუ უჩა ქუა,
შხვა მუთუნი ვამიწუა.
თუთაშ ჩიტი ნაჭარგუა
მორიალე, მორისქუა,
ფარფალიაშ მეჭვილ სუა,
ნერჩის გებხუქ ნაშარუა,
შურეფწკუმა ნასერუა.
ორთვალიშე _ ნარუმუა
ხიხილიში გერანუა,
ღოლას _ ღუში ხონარუა,
ვარ ზისხირიშ მელანუა.
გუმნაღურა ყუდეჯგუა,
გალენიშურ ეჩხურუა,
...დამირსხენსდა _ ნაჭარგუა
თუთაშ ჩიტიშ ხურთქინუა.
დიდთირუას ნაღურა ლერსემს
ლებარდეშე მუნარქია
კვარჩხა-იხი იბურსანს,
მინდორ-ბარა ვირვილიას
ხილა-თირით ოქუნანს.
ხიხილერი ჯარგვალია
ღუმინუნს დო ზარზალანს,
გინოჟღიფილ ისირია
თირსუ წოლათ მიორჩანს.
ყებურიში ტყვაცირიას
მითნათუა გალაააფ,
თოლიგვირა ნანაია
ლილუემსუ გალუაფ.
ჩელა გინი სამგარია
კურთხუს კინორაკვალანს,
ორკეეფშე ჭარკანტია
ნაძგაშურას გითმარღვანს.
ჭიჭე გურიშ მოსარია
ჸინი მუთასარკალანს,
ჸანჭიშ ქარღად უჩარიას
ლერსეფ მიშაცანცალანს.
უკლაშ ჯიმაშ კონკერიეფ
კიდირს მიკოოინილ მაფ.
შხვა ვაწურე მექარიეს _
ორკე გურით ვაკიფშაფ...
მუ შარა რე _ ნასოფერას
ჭვიტე მიშეგაშუანს,
ჭიჭანობაშ ლაწკარეფი
ჩილამურო დოოუნს ღვას...
ჯარგვალიას ქიმკვოპონანქ
წირსფალიში მოჭვეჸვას...
გონთეს _ სერიშ ნალიერა
ლილაშფერო გოპირანს...
ანა საჯიხე
ადა მარია, დადა მარია,
სი დომთხილე დო სი დებარია
ჩქიმი მოთა და ბადიში ნარდია-
თაშ იხვამანდუ ანა საჯიხე.
ადა მარია, დადა მარია,
სი გემწონია ცოდა დო მარდია,
ცოდა _ ჩქიმო დო ნარდის მომდარია,
თაშ იხვამანდუ საჯიხე მახვამერი.
ადა მარია, დადა მარია,
კიდირს გიფინუნია ია დო ვარდია,
სი ქოიჩქუნია ნანაიაშ დარდია,
თაშ იხვამანდუ საჯაია დადი.
სანთელს გარენია ჩილამურია,
უღუშა გემირთუნია ხაჯალურია,
სქანდა მუკომჭოფუნია ღურელ გურია,
თაშ იხვამანდუ საჯიხე განგარებული.
ადა მარია, დადა მარია,
დაჩხირო გუმორზუნია ზისხირელ ოსარია,
ჩქიმ სქუაშ ნოშირიენ დო სქანიში, ვარია,
ჟირხოლოშიავაო, დიდაქირსე, დადიქ.
დიაჩქიმი შქართუნს ჭანს...
ზესქვ გიმახე ბულიშ წვანს,
დიაჩქიმი შქართუნს ჭანს,
მასქურ პირსუ გითმარღვანს,
დარაიას ჭურჭულანს.
გიბკერკელუქ ჩინთიშ ფას,
ნანაია მიძიცანს
(თოლშე ია მოსინთანს),
ეკერეცხის გურისტანს:
თუთა, თახა, ჯუმა, ცა,
ობი, საბატონი, ჟა.
ორქ ეფუნსუ მოროჟას,
ბაღანობას მურუჟანს,
კვირკვეთუთა გოლოფანს
ჩქიმჸვანა დო ჸოროფას.
სინჩხეს ელმოჩხურუანს,
უკმოკვარჩხო მირთუანს,
ნანაია მახვამანს,
ეკერეცხის კაკაბანს:
თუთა, თახა, ჯუმა, ცა,
ობი, საბატონი, ჟა.
დამორჩილი ფას ორჩანს,
ლამურემს ჩილამურანს,
მეტებულ ზღვა ილიმანს,
გურს ჭუეფი ჭიჭიხანს,
ვემუანჭი ჩე არქანს,
ლეჭკანდერი დომწყვი წყარს,
ნანა სქირშე მისინთანს,
ეკერეცხის მოშინანს:
თუთა, თახა, ჯუმა, ცა,
ობი, საბატონი, ჟა.
შქაზოთონი თირს ორღვანს
დობერასუ ოქუნანს,
გურს ოშხანო კილაგანს,
შალარ მემოგ ოშქაბანს,
გილაბგორუნქ ნაჯარგვალს _
დიაჩქიმი სოთინ ვაჩქ,
ქარბორიაშ ნანგარას
ზესქვი მიოკოროცხანს:
თუთა, თახა, ჯუმა, ცა,
ობი, საბატონი, ჟა.
ბჟას თუთა დო თუთას ბჟა
გეQუნსუ დო ცას ურთანს,
შხვა ირფელსუ ჩაფანანს,
გოკონ, გვალო ვობი რდას.
ბოშ იკერკელ ჩინთიშ ფას,
ნიტე მისუთ მოთა აფ,
აფუნ პირსუ ოფართხანს,
დიამუში შქართუნს ჭანს:
თუთა, თახა, ჯუმა, ცა,
ობი, საბატონი, ჟა.
წკელ-მანცხვარი
მესეფიში მარუასუ, მოსოფელიშ ზღვარუას,
არზენაში ზარზალსუ დო კურუმ კაპუშ ზარუას,
გარულ თოლიშ გორზამას დო გვარგვანჯუა-ქარუას,
ნაჯვარლენსუ დუნაწიმა ზისხირიში ჸალუას,
ძელ დო ძვალიშ ჟვარუასუ, გურგიშ ჸვილიშ ტკვარუას,
თუთა ფორცხოლერღვაფილიშ კუმა-რუმეს ნკარუას,
დიხა გოდარდალაფირიშ ეშა-გიმე ყარუას,
ქვერსემიაშ ნაფულეში ელე ეშაყარუას,
ერთელ წყარი ზვირთილიში ცასუ მიკოხარცქუას,
არქანეფი გუნაჭაში ხირატუა-ხართუას,
გოჯარილი ჭკანდერეფიშ უკმო-კვარჩხო ქართუას,
მურიცხონიშ სარსიოლშე გინოციმა-კვარჩხუას,
ცაშ ლაკვეფიშ რულაიას,
ჸურუა დო ლალუას,
ვითაამშვი მასქურიშ დო მუში დიაშ ნჭალუას,
მართუში დო მაშარულიშ დაჩხირს მიშარგალუას,
დალურიში კველა-დინცხო კარუელიშ გალუას,
ზღვაშე წყარ დო ცაშე ტვერიშ უჩათ აკოწყათუას,
რინა-ღურუშ მერთელეფიშ ჩილამურით წყარუას,
ქიგვააუნუქ ქირსეშ ლებირ კუჩხეფიში ნაულას,
კირდე-ჩქონშა გეკვანთხუქუ, შურს გინვოტე წაულას.
ბჟაში რაში
წყარს გელაფირ ბჟაში რაშის გეგნუტკვარუ ლაგამი,
ქვერსემიას ქინონწყველე იში ოლუ-ქართანი,
გური თეში ქინოფშირუ, მუჭო დიხას ლაგვანი,
მითა მირე ჯვეშეფიშე, ხვამათ აკოსანთანი.
კილანემსუ უტკვარუანს წყარ დო გვერშიშ ზარანდი,
კიბირს გოძუ ღვინიშ ზიათ მესქილადირ მართალი.
ნკარილიე მალიმორი, ქუგაღობას ქართანი _
შქაკვათაში სქილედემსუ შხვა აფუნა გართალი.
ანწი მისუ ეიანწყე დოკირიბელ ქარტანი,
ვარა მისუ აკანწყუე ნაფულეში ფაქვაში,
თუთაშეფი ქარგილაფუ მურიცხონიშ კარკანტის,
ძვალო მითიჩხირჩხინანა
ჸვერე ინჭას კადაში.
მოძირაფა
მოძირუდუ, ჸინიშ გვალას ძვალეფ გითიჩხირჩხინანდ,
ხიბას ზღვაშე მიკნახარცქა ზისხირ მიკოზანთალანდ.
გალენ ჯიხა გოსოფილშე გვერშის ნოოორ ურღიმანდ,
დიასქურიშ წკონდა წყარემს წვანე ხაშმი წამალანდ.
დაჩხირიში ნაჯვარჯვალა ილორს გერეფ გააურანდ,
ჩეთ ნწერილი მუაჩქიმი ზარას იფოთაფუანდ.
ტყვიეფიში ნაცხირასუ თუთაშ სინთე კილაგანდ,
ფსუაჭვილი ფასქურეფი ფოთქვის მითორაბადანდ.
დადმარიაშ ჩელა კიდირს ჩილამური ჭურჭულანდ,
ნორცხვა პარკის დუდოხატი უჩათ მიშაზარზალანდ.
უშურეთი გინოლაფირს ჭარგა გვერი ბლაკარტანდ,
ხეშ ნაჭარა ფიორემსუ მა თავრეშე მევანგარდ.
ჩქიმ ჯვეში დო ახალეფშო ვეეუასო თანაფაქ,
ათე სისმარს ვეგშმართუდა, ვამჭარ ია-გოთანა.
ცაშე ღურელ ჩიტეფ ცენს
მურიცხეფო მენარჩქინა _
ცაშე ღურელ ჩიტო ცენს,
ღორონთეფიშ მენარჩქილა
გაკუღალუ ღანჯამ გერს.
ნოფულიშე ეშნაბირცხა
ფერთო მეუღ ბორიემს,
ნაარქანუს გენარცხინა
რგინჯუეფქუ გომძვალეს,
დობღურიდა, ქადირთუნა
ჩქიმ ზისხირიშ ჭურჭულემს _
მუმაშ ჭყელი ნოქურიშე
ეშნაფალა სქუალემს.
თოლემს იშო დურუმუნა,
ზღვა დო თოფურიში ფერს,
გეჭარუნა ჩქიმი რინა,
შხვაშე ართი ჭუათ მეტი.
გოფშა თუთაშ მუორე
ლაკაციაშ პირი ცენსო,
ვარი გვალო თირა რე,
ლაკადაში თოფურ წენსო,
ვარი წყემიშ სირა რე.
ჩხომი ფოქვას ქვილითანსო,
ვარი გორდიშ ძია რე,
ხა-ხაია ხვიარენსო,
ვარი ჭუაშ ძილა რე.
ჸვერე ინჭას ინაჭვენსო
ვარი ინნარკია რე,
კილანეფი კიაპენსო,
ვარი მარწკინია რე.
ნარღიშ კარეს წოლა ნწერსო
ვარ იობიშ რია რე,
ჭარუეფი ამეჭყენსო,
ვარი ედორია რე.
სოდგარენი წყარ ირკენსო,
ვარ დალია რინა რე,
უჩა ხოჯი ქას ირქენსო,
ვარი შურიშ შინა რე.
ექიანა კიანენსო,
ვარი უკიანო რე,
დამარგებუ იყურენსო,
ვარი აპიანი რე.
ბჟაშ მუმული ხონარენსო
ვარი მერთა დრო მარე,
გოფშა თუთა მუს ნარღენსო?
მუს ნარღენს და, გოფშა რე.
შარა-ჭარა ბორზიეფი
სერიშ კარსუ გემნუონჯა,
ქელვოჯინექ ცაშ კარეს,
მურიცხეფიშ ჭვემა ცენსუ,
მევარჩქილექ ხონარემს.
ჟინ ბორიემს მეურააუ
მარგასე დო მარგაშე,
ულირეფიშ სისანდ ვარე,
ხვალე რია-შარშალე:
მუაჩქიმი გაფურცქინანს
თეა ხოჯიშ ქასანთელს,
დიაჩქიმი გიობირანს
პატონემსუ ფანდურელს.
იაიაშ წყარი წენსუ,
ჭურჭულანსუ ოდაშ რჩელს,
გუნაცხანტა პეულანსუ
მუმულიაშ ბირბილემს.
სასინთოშე მუთოფუნსუ
ჩელაია თუთაშ თე,
ჸვას ფურცელო გემოფინუ
ნანაიაშ რგილი ხე.
სინჩხე უთაკარუანსუ
ბაღანობაშ სიზმარემს,
ცხვინსუ გილაწირწინუნა
უჩა ორო _ მესერეფ.
დუსუ ქიმთიბტყობინუა
შქართუნს, სქვამას გურიშთელს,
გურშა ქიმიბხუტოლუა
ჭითა-ჭითა ჩაფულემს.
...ირფელ ართო დაფთხიებუ
მუთაგილუ გაბარემს,
მირე გიშმოწურუანსუ
შარა _ ჭარა ბორზიემს?
ორთაშ რსიოლს მეურააუ
მარგასე დო მარგაშე,
ულირეფიშ სისანდ ვარე,
ხვალე რია-შარშალე...
ზღვას ლაქვათა ინიფაფ
იაიათ გინოთილი
აგოთანაშ ლილუ ზღვა _
შინშე გიშაჭანაფილი
ჩიტბორკულო მეხეჸვას.
იმენდეფი გინოსქვილი
ქვერსემიას ინიგარს,
სისმარეფი დოკვეთილი
ლაქვათეფო მეეუნს წყარს.
შუმილ მიქამგარია
გერგებაში დალიას
მესქილადირ ჸუბერეფ, ოფუტე დო ფანიას
ებირაფილ ჸებურეფ.
ბჟა მიშახე ნანიას
გოჭიფელა ჭურიემს,
ბეძღუნიას გიშირშინ
ქრავაშ ბია -უშქურეფ.
გართუ ბებიშ ჩერიას
განჩეფი დო მერთელეფ:
`ვაუჭიშედა, ფუჩხოლიაშ
შურ მეუღუ კუმურეფს~.
გოდოგანიშ ფალიას
ვასხარსხალა ჭიჭიკეფ,
ითირანა, ფარიას
მატყობანა ტაცალეფ.
საონჯღორო უციკანა
იძიცანა ოსურეფ,
ოდო იში ნაყარია
ქიფაფუანს მონტყორეფს.
მათ ქუვორექ მაბოშია,
ათმოშუშუ ოშნერეფ,
მუს მიკეთენს ფუჩხოლია,
გურსუ ფუნსუ ლამურეფ...
კაჭიჭამი ატარიას
გაღანჩალნა მოშელეფ,
შუმილ მიქამგარიას
უფიფანსუ ოშმეშეფ.
ქუაოჭნახუ
ღვინსუ ინორტუაფილი
ქობალიში ნოტეხემქ
ქირსეშ ჯვარსუ გუნაფალა
ჭითა ვარდემს ქაგურეს.
ოჭნახუსუ ქიმვებარი,
ქუვაწყორი შურიშ ვეს,
მითინს გურსუ ქოწყუნაფდა,
იშ ჭუეფქუ გობძვალეს.
ქუაშ ღარშე ოჯალეშიშ
ნასქილედი გითმოწენს,
ყურზენიში ჩილამურემქ
ჭიორეფი გოფერეს.
რზიას მიშასქილადირი
წკალემქ ჸვასუ გემირთეს,
ბენეეილი კანთიერი
გარგუნჯელათ ქუგომრთეს.
ჯვეშეფ ალმოფურცქინანსო,
ვარ იფაჩალ ფაში შვე:
წყარი ოკო ხოჯიშორო,
ღვინ მაფურო წირდას შვე.
ოჭნახუსუ ქინიბჯირი,
ქუვაწყორი შურიშ ვეს,
მისუთ გური ქუწყუნენი,
იშ ჭუეფქუ გამათეს.
აფანიაშ ფანია
ცა დო ზღვა დო დიხაშ სანძღო თირსუ იშო აკულას,
ენა ღორონს აკუნწყუ დო, ვაკმანწყუე ლერსო მა.
თაქ მესეფით ქიმშადინუ, მი რე გიშმაწურაფალ,
უსუალე კოჩიშ ჭუა ვანჭუ შორიშ როიალს.
`დო-რე-მი-ფა~ ქისიმე დო, `სოლ-ლა-სი-დო~ მეუღ ქარს,
მუთი რდუნი, ქომიჩქუ დო ლიაქ მუნერქ იიუას..
გვალო მემოტუანიო შვან დო კვათაშ მასანძღვალქ:
ეში გამაშ გორუასუ
ჸ
ინქ ბირცხაშა ქალმაკათ.
სუმი ნირსიშფერი შური შორშე გუმოცქვირინანს,
ვარი ზღვაშე, ვარი ცაშე მუნაველი ოკო რდან,
მუთ უმოსო მაკინესუ, შიშიქ ქუგმოდირთუ ტანს -
ართ კაკალსუ თოლ ვაძირე, ფიჭვი გოფითქილი აფ.
კუჩხუჩაფლეთ მოჩართუნა დღარი თირიშ ნარზვენას,
ხე შალარშა ქუგნა მარა, ნამთინესუ ჩხურუ ვაფ.
მარწკინდეფ დო ბაწარეფით, ღურელ ჩხომით ქიფჩინ მა,
სუმიხოლოქ ქუგმაშინუ, ოჩამჩირეშ სუმ ხანგაქ:
ჸ
ოროფაში გინნალასა ფაქი შანას შაყარანს,
ტყურაია მარწკინდემსუ ჭითა ჭაპუს მაჭაჭანს,
არძა კისერს გიობუდო, ხეშა აკას ვემკინჭანს _
`მიდგას ელუნ, მალას მურს დო ილორს თინა ქუმაგანს.~
გურაფაში გინნალასა ბოჩი ქვიშას ხანტურანს,
თოლშა მუთუნქ ვაღოლუნი,
ჸ
უჯი ირო ძგიბილ აფ.
კისერს თოკი გაკარკატუ, მიშქვანსუნი, მუნჭირანს,
თელს ორკინუ მუშობიეთ, ქოკითხენი _ `ჯერღვ იქანც.~
ბურდღა მეჩხომემს მეუხე, ართ კიბირი უძგიძგანს,
შურო თოლი გეიოღეს და ვედრას გიმე უხუანს,
შურმალაფ დო ღურელ ჩხომეფს იშო ზღვას ურთინუანს,
ნაშქვიდერი მუმაშ შურსუ ცოდემს ეუქექუანს.
მეთირიაშ გიწნაოოთემ ძგიძგონილ ჩხომს შურს უბარს,
ართ ქობალი ქიმეჩესდა, აფანიას ინმურღვანს,
წყარქ ღურელო გეკაათდა, ინძგერსუ დო ალანგარს,
ოსქირაფუს _ მოსემს ქართუ, დოხუნს, თოლსუ ქინურღვანს.
`მაფა ჩხომიშ ბრალი გეძუ, მოსას თიშენ მიშეხართ~ _
მუმაშ ცოდეფ მუ მონკარენ, ენა ვაგინ ბრელ მითას,
ხოლო ფაქის ქეცოდებუ, ჭიჭეს ქუმუფერუანს,
ხოლო ბოჩის უწინს ვარა, ოძიცეთუ ვაუბაღ შხვას.
...ართი _ თირსუ გუმოფართხანს, `მიტიბუანს~
ჸ
ინილ
ჸ
ვას,
მაჟრა _ თოკიშ ნასოფერა წონწის მიჭირინუანს,
მასმა _ თირიშ რტუაფილი ქობალს მისქილიდუანს:
აფანიას ქომგურესო, ვარ მეტებულ შურსუ მა.
ესუ ხოლო გინიბღანდი, გურ დომიჭუ გვალო შხვაქ-
ჩქიმ ბაღანას გეგთუტყობუ, ზღვაშა თოლი ქასქილად,
ფუგა_გამა მეუტებუ, გორუნს შხვაში გამას თაქ,
ქირსხენსუდა, ხოლო დიდა, მა იშ ქეკომდინუაფ.
